Hoxe comezará un curso sobre comercio electrónico para pequenas e medianas empresas no centro de servizos tecnolóxicos Nodus. Entre os aspectos que se abordarán destaca o da seguridade nas transaccións electrónicas.

Este curso forma parte do ciclo formativo programado para este verán por Nodus para difundir o uso das novas tecnoloxías da comunicación. As clases prolongaranse ata o próximo día 23, en horario de seis da tarde a dez da noite.