|
O Instituto Tecnológico de Galicia e a Consellería de Innovación e Industria organizan unha Xornada sobre certificación dixital no Pazo de Congresos de Santiago.
A xornada "CERTIFICACIÓN DIGITAL Y FACTURACIÓN ELECTRÓNICA: SOLUCIONES PARA LA INTEROPERABILIDAD" terá lugar o próximo xoves día 1 de decembro a partir das 10 da mañá no Pazo de Congresos e Exposicións de Galicia. O acto, de carácter gratuíto, conta coa participación do Centro de Competencias en Comercio Electrónico e empresas galegas que veñen de implementar a facturación electrónica.
O obxectivo fundamental da xornada é facilitar ás empresas o acceso á Sociedade da Información a través da tramitación telemática, o comercio electrónico, as solucións para a facturación electrónica e o uso da certificación dixital.
O evento está dirixido a empresarios, directivos, técnicos e profesionais de empresas que estén interesados en implementar solucións de interoperabilidade nos seus procesos de negocio, como a facturación electrónica. |
