Ademais, estas catro entidades captaron máis de 5.000 millóns de euros en depósitos no 2005 e administraban a finais do ano pasado 21.383 millóns de euros, unha cifra moi importante se se ten en conta a inexistencia de sucursais.

Por entidades, ING Direct rexistrou o maior resultado en 2005, cun beneficio de 43,5 millóns de euros, un 57% superior ao ano anterior.

Por detrás situouse o Bancopopular-e, filial por internet do Banco Popular, que conseguiu un beneficio neto atribuído de 10,58 millóns de euros, o que representa un incremento do 85,95% en relación ao exercicio anterior, o maior crecemento porcentual de todos os bancos 'on line'.

Un-e, a filial por Internet de BBVA, foi a única entidade que reduciu os seus beneficios en 2005, en concreto un 11,4%, ata os 7,5 millóns de euros, segundo o Informe Anual de BBVA.

Por último, Openbank, filial do Santander, gañou 3,01 millóns de euros en 2005, o que supón un incremento do 50,12% respecto ao ano anterior.

Aumento dos depósitos
Este crecemento dos beneficios demostra que os bancos por Internet non paran de medrar en España e rabuñan progresivamente negocio ás entidades tradicionais.

ING xestionaba a peche de 2005 fondos por un importe de 16.291 millóns de euros, o que supón 4.553 millóns máis (+38%) que en 2004, mentres que Openbank captou 432 millóns o ano pasado en depósitos, ata os 3.460 millóns de euros.

Un-e xestionaba un volume de recursos dos seus clientes de 1.408 millóns, cun crecemento do 27,1% respecto ao exercicio anterior, mentres que os recursos de clientes xestionados por Bancopopular-e alcanzaron os 224 millóns, un 15% máis que en 2004.