| A ONU anuncia nova Alianza Global en Tecnoloxías da Información para o Desenvolvemento | ||||
|
|
As Nacións Unidas anunciaron o pasado xoves 13 de abril, o lanzamento dunha nova Alianza Global das Tecnoloxías da Información e a Comunicación (TIC) para o Desenvolvemento. A iniciativa reunirá a unha gran variedade de participantes nun esforzo internacional mancomunado para ampliar o uso das tecnoloxías na loita contra a pobreza
A primeira reunión celebrarase o 19 de xuño en Kuala Lumpur. Organizaranse foros globais temáticos relacionados co rol das TIC no desenvolvemento das economías e na erradicación da pobreza. Centrarase en temas como saúde, educación, igualdade de xéneros e mocidade así como sectores discapacitados e en desvantaxe nas sociedades. A Alianza Global estará aberta á participación dos gobernos, as empresas, a sociedade civil, as organizacións internacionais, os grupos industriais, as asociacións profesionais, os medios de comunicación e os académicos. A finalidade é integrar as TIC ás políticas nacionais para alcanzar os Obxectivos de Desenvolvemento do Milenio (ODM), unha serie de metas con prazos, destinadas a combater a pobreza no mundo e establecidas no Cumio da ONU de 2000. Fonte: Nacións Unidas
|
| < Prev | Next > |
|---|
