O convenio ten como obxectivo a prestación dos servizos técnicos, administrativos e de seguridade necesarios para garantir a validez e eficacia das comunicacións e documentos producidos a través de medios telemáticos, no ámbito de actuación da Axencia Española de Protección de Datos.

A raíz do convenio subscrito hoxe, a Axencia Española de Protección de Datos pasará a contar cun sistema que permitirá validar e recoñecer os certificados de sinatura electrónica emitidos pola Fábrica Nacional de Moeda e Timbre e os que leva asociado o novo DNI electrónico, o que facilitará aos cidadáns as relacións administrativas coa Axencia a través de medios telemáticos.

Ademais, implantarase o sistema de sinatura electrónica ao proxecto de simplificación das notificacións de ficheiros de datos persoais ao Rexistro Xeral de Protección de Datos (RGPD), que nestes momentos está a levar a cabo a AEPD. Este proxecto, que facilitará a cumprimentación dos formularios de inscrición dos ficheiros, permitirá ademais, a raíz do convenio subscrito hoxe, que as empresas e entidades públicas poidan realizar a notificación telemática con sinatura electrónica dos ficheiros ao Rexistro Xeral de Protección de Datos (RGPD).

Fonte: Axencia Española de Protección de Datos