| As empresa españolas superan a media da UE en conexión a rede de banda ancha | |||
|
|
Un 72 por cento das empresas con máis de dez empregados en España dispón de acceso a Internet a través de banda ancha, o que sitúa a media nacional por encima da europea, cifrada nun 52 por cento.
Este dato é un indicador de que o país presenta unha “posición sobresaínte” no conxunto da Unión Europea na calidade das conexións á rede, segundo subliñou o pasado venres o presidente executivo de Telefónica en España, Luis Lada, na presentación do estudio sobre a Sociedade da Información en 2005. De acordo con este informe, elaborado pola Fundación Telefónica, España superou a finais do ano pasado os cinco millóns de accesos de banda ancha fixa, dos que o 79 por cento utilizaron ADSL, e prevé que esta cifra ascenda aos 7.5 millóns en 2006 e aos 18 para finais da década. Lada centrou a súa intervención no ámbito empresarial e destacou a relación obtida polo estudo entre a extensión da rede de tecnoloxías da información e a comunicación –TIC- e o desenvolvemento económico dunha comunidade, no seu produto interior bruto e, polo tanto, “na súa produtividade”. España ocupa o terceiro posto en Europa no que se refire á penetración de Internet en medianas e grandes empresas, mentres que nas microempresas –formadas por dous empregados- hai un 37% que están “desconectadas” –carecen de PC e non acceden a Internet-. Fonte: Finanzas.com
|
| < Anterior | Seguinte > |
|---|
