As cámaras sosteñen que co novo modelo de xanela única se pode empregar só entre unha e dúas semanas para contar con todos os requirimentos necesarios do negocio.

Sen embargo, as cámaras galegas non a teñen aínda operativa. En calquera caso, prevén proximamente a apertura da primeira xanela única, algo que se prometeu reiteradamente nos últimos anos. Así o anunciou o actual presidente do Consello Superior das Cámaras de España, Javier Gómez Navarro, durante a súa primeira a visita a Galicia desde que accedeu ao cargo.

As previsións apuntan que a xanela non se abrirá nas nove entidades galegas dado que para o seu funcionamento precisa necesita un dinamismo económico ao seu arredor que non se dá en todas as áreas galegas onde hai unha cámara de comercio. A idea que se baralla é que a xanela única en Galicia se cre no contorno do Consello Galego de Cámaras de Comercio, o organismo de coordinación no que están a Xunta e as propias corporacións.

Mentres estas institucións non poñan en marcha a xanela única empresarial, as únicas institucións similares son os P.A.I.T. (Puntos de Asesoramento e Inicio de Tramitación). Existen 14 repartidos pola comunidade galega e permite aos emprendedores crear Sociedades Limitadas Nova Empresa nun prazo de 48 horas, simplificando moito o proceso de creación.

Fonte: La Voz de Galicia