A Cámara Oficial de Comercio, Industria e Navegación da Coruña xa pode tramitar Sociedades Limitadas Nova Empresa.

A Cámara Oficial de Comercio, Industria e Navegación da Coruña remata de se incorporar á rede de Puntos de Asesoramento e Inicio de Tramitación (PAIT) mediante convenio subscrito coa Dirección Xeral de Política da Pequena e Mediana Empresa, organismo dependente do Ministerio de Industria, Turismo e Comercio.

En virtude deste acordo, procedeuse a implantar na sede da Corporación un PAIT, o cal, en colaboración co Centro de Información e Rede de Creación de Empresas (CIRCE), se dedicará á creación de Sociedades Limitadas Nova Empresa (SLNE) asesorando e prestando servizos aos emprendedores, tanto na xestación, tramitación administrativa e posta en marcha das súas iniciativas empresariais, como durante os primeiros anos de actividade das mesmas.

Con este, xa son 9 os PAITs cos que conta a provincia da Coruña, e 20 o total da comunidade galega.

Fonte: Cámara Oficial de Comercio, Industria e Navegación da Coruña