Os emprendedores e as pemes que decidan implantar iniciativas innovadoras en Galicia poderán dispor de préstamos en condicións preferentes e avalados polas sociedades de garantía recíproca galegas, ao abeiro dos correspondentes convenios asinados polo Igape coas entidades financeiras e as SGR. que se publicaron o 9 de outubro no Diario Oficial de Galicia. Mediante as compensacións por custos e xestión das operacións financeiras que achega tanto ás entidades financeiras colaboradoras como ás SGR, o instituto fai posible a concesión de préstamos por contías comprendidas entre 25.000 e 120.000 euros nas seguintes condicións: prazo de amortización entre 5 e 7 anos, incluíndo ata un ano de carencia, con xuros definidos polo Euribor a seis meses+un tipo adicional de 0,25 puntos. Para o segundo semestre de 2006, o xuro nominal será do 3,30%.

Máis información no DOG

Fonte: IGAPE