|
A enquisa que mide a penetración de internet de febreiro a marzo deste ano, realizada pola AIMC, reflicte un parón xeral do número de usuarios en España.
A enquisa de penetración de internet de febreiro-marzo, que se fixo pública hoxe, chama a atención por un parón xeral do número de usuarios. A enquisa realízaa para todo o estado a AIMC (Asociación para la Investigación de los Medios de Comunicación), a EGM da internet.
Deteñen o seu medre as principais webs (agás Google) e detéñeno e incluso minguan os principais servicios (correo electrónico, a www...). Só Galicia, rompendo a súa tónica xeral de pechacancelas, consegue remontar coa maior suba de todo o estado (dun 14,6 a un 17%). Agora xa hai catro autonomías por detrás (Estremadura, Navarra, as dúas castelas). Esta porcentaxe suporía uns 457.000 internautas galegos activos aínda lonxe, con todo, da media española (22,2%) e do máximo de Euscadi (27,7%).
FONTES: Vieiros,AIMC.
|
